Plantun de Prouvènço

Pèr coumpara dos planto d'encò nostre

Ceratophyllum demersum & Galium anisophyllon

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Reboulo(-di-fueio-despariero)

Galium anisophyllon

Rubiaceae

Nom en français : Gaillet à feuilles inégales.

Descripcioun :
Aquesto reboulo renadivo trachis en tepiero dins li pelouso roucaiouso e lis esboudèu de mountagno. Se recounèis majamen à si fueio un pau estrecho, verticillado pèr 5 à 7, emé d'ùni mens longo. En auto mountagno èi poussible de s'engana emé la reboulo-di-gròssi-grano, Galium megalospermum, que trachis dins li mémi relarg ; pamens aquesto èi mai pichoto, emé de fueio pu larjo e courto, e a de flour pu jaunasso emé de fru que retoumbon.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : verticilado
Tipe bioulougico : Geoufite
Cicle bioulougico : Planto renadivo

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : 200 à 2800 m
Aparado : Noun
Jun à avoust

Liò : Tepiero roucaiouso - Esboudèu - Roucaio
Estànci : Subremediterran à Subaupen
Couroulougi : Ouroufito-Sud-Euroupenco
Ref. sc. : Galium anisophyllon Vill., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Galium anisophyllon

ges

Coumpara Courniflo emé uno autro planto

Coumpara Reboulo(-di-fueio-despariero) emé uno autro planto